Reyklaust New Jersey

Á miðnæti í kvöld rennur í gildi ný lög, sem var "Barn" eldri fylkisstjórans hans Dick Cody or nýji fylkisstjórinn okkar, hann Jon Corzine, samþykkti. Þessi lög banna reykingar innandyra alls staðar í NJ. Allir veitingastaðir, barir, skemmtistaðir, skrifstofubyggingar og alls staðar sem getur talist opinber vetvangur. Ella og Maggi, það má ekki lengur reykja á Kat-man-Dú. Ég sem reykingarmaður skil þetta vel, við hjónin viljum ekki einu sinni reykja heima hjá okkur, við reykjum úti á svölunum hjá okkur og erum sátt við það, sama í hvaða veðri. Steikjandi hita eða algjöru frosti.

En það er núna verið að ræða um viðbót við lögin. Það er sérstök nefnd sem sér um slíkar viðbætur og er samansett af, eftir því sem að einn virtasti stjórnmála-fréttamaður hérna í NJ segir, andlitslausum og nafnlausum einstaklingum sem hafa ekkert betra að gera. Og þessi nefnd hefur ákveðið að, ekki aðeins má ekki lengur reykja á þessum stöðum, heldur skal það verða bannað að reykja innan 25 fetum (7.62 metrum) frá dyrum að þessum stöðum... Ok, það þýðir að ekki má reykja í 90% af New Jersey, þar sem meirihlutinn hérna eru verslanir, veitingarstaðir, barir og aðrir opinberir staðir.

Ef við myndum fara á Panera (skemmtilegur lítill veitingastaður), og fá okkur að borða ÚTI þar sem þeir hafa borð fyrir viðskiptavini sína. þá má ekki reykja þar. Og það er ekki hægt að fara 7 metra frá dyrunum án þess að vera of nálægt næstu verslun. þannig að þar má ekki heldur reykja þar...

Eini staðurinn sem má reykja á, er inná heimilinu þínu. Í okkar tilfelli á svölunum heima hjá okkur... sem betur fer búum við ekki í 7 metra fjarlægð frá næstu verslun, hún er nálægt, en ekki undir 7.62 metrum... annars mættum við ekki reykja þar og þyrftum að færa reykingar okkar innandyra.. einmitt, mjög holt fyrir andrúmsloftið það !!!

Meira frá einum pirruðum seinna.

Takk fyrir mig :)

Kæru vinir og ættingjar...
Takk fyrir allar símhringingarnar, póstana og kveðjurnar í gær!
Mikið var ánægjulegt að sjá hve margir muna eftir manni þó maður sé í órafjarlægð frá Íslandi.
Kossar og knús,
Andrea...gamla geit :)

P.s. fyrir alla slúðurfíklana sem lesa þetta, eru hérna nokkrar slóðir á djúsí slúðursíður .

Celebrity Terrorist

Celebrity Smack

Perez Hilton

Afmæliskveðja

Hún elsku Andrea okkar strákana á afmæli í dag. Hún þykist vera orðin 27 ára, en ég veit að hún er nú bara 23. Hún er jafn fersk og falleg og þegar ég sá hana fyrst.

Kossar og knús...

Strákarnir þínir.

Florida hingað til...

Kristófer að slappa af við sundlaugina.

Elmar og Kristófer í sundi. Ekki leiðinlegt.
Svona var veðrið í NJ rétt áður en við fórum til Florida. Snjókoma og kuldi.
Eyþór og Kristófer hafa báðir áhuga á Yu-Gi-Oh og að spila í playstation... þeim kemur s.s. mjög vel saman.
Fjölskyldan spennt í flugvélinni.

Fyrir þá sem hafa áhuga...

Við erum kominn til Florida. Lentum hérna í West Palm Beach kl. 3. Fórum frá New Jersey um leið og snjókoman sem var að tefja okkur, loksins hætti. Það varð til þess að það var 2 tíma töf á brottför.

Nenni ekki meiru í bili.. er að fara að borða girnilegan kvöldmat og fá mér rauðvín.

Hækkandi hitastig og smá action

Hvað skrifar maður um þegar það er ekkert til að skrifa um? Hm...


Kristófer við morgunverðaborðið. :)

Bryjnar Kristjánsson var í heimsókn hjá okkur frá föstudegi til á Miðvikudegi. Mjög skemmtilegt að hafa hann. Við áttum bara rólega helgi, horfðum á Liverpool vinna Everton, fórum í búðir og spiluðum Trivial Pursuit. Síðan fór hann til New York á mánudaginn og þriðjudaginn og skemmti sér víst mjög vel. Takk fyrir heimsóknina Brynjar.

Annars er það helst í fréttum að SUMARIÐ er komið, hitinn núna úti er um 20 stig og fer hlýnandi. Það er alveg ótrúlegt hvað útlitið breytist við smá sól og hita. Maður verður léttari á sér, og brosir meira. Ég og Kristófer fórum út í fótbolta í gær, bara í smá tíma, en samt nóg til að svitna smá og hann er mjög áhugasamur um fótboltann núna. Ég er búinn að skrá hann í árlega fótbolta prógrammið sem byrjar næsta haust (Kaninn er alltaf með svo mikinn fyrirvara), og ælta líka að skrá hann í fótboltaskólann hjá Mr. Boggs og Mr. Barrett, þannig að hann hefur nóg að gera í boltanum á næstunni. Honum langar líka að fara að taka smá frí frá Karate, orðinn eitthvað þreyttur á þessu.

Við erum svo á leiðinni til Florida í heimsókn til Essý og Gylfa næstkomandi miðvikudag, okkur hlakkar öllum rosa mikið til, þó svo að ég þurfi að vera að vinna, þá er ég samt mjög spenntur, hlakkar til að komast í golfið þarna, og sundlaugina og hitta gömlu góðu vinina okkar aftur. Þetta verður mjög gaman.

Við fórum líka um daginn og keyptum okkur hlaupabretti. ekkert svona lítið hlaupabretti, heldur svona eins og maður myndi finna í sæmilegri rækt hérna. 12% halli, 12 hraðastillingar, með IFit (þar sem maður getur tengt brettið við tölvu til að stjórna æfingum), hægt að hafa 2 notendur til að skrá hversu mikið hefur verið "gengið". Andrea hefur vinninginn þar, kominn með 63 mílur (101 Km) og ég með 14 mílu (22,5 Km). Þarf að fara að vera duglegari til að ná henni, en hún er á þessu bretti á næstum hverjum einasta degi, ég aftur á móti, ekki svo duglegur.

Silvia Night...

Kíkið á nýja myndbandið hennar Silvíu Nóttar. Það er búið að færa það yfir á ensku og alles. Mér líst bara rosalega vel á þetta hjá henni og hlakka til að taka smá áhættu í maí með þetta. Verður bara enn skemmtilegra fyrir vikið :)

Staðfesting

Sæl, í framhaldi af síðasta bloggi, vildi ég bara láta vita af þessu...

Jon Corzine (Nýji fylkisstjórinn okkar), sem hafði lofað að koma eignaskattinum niður í það sama og hann var hérna árið 1994, er að halda fjárlaga ræðuna sína núna, og hann staðfesti að hann, mun í raun, HÆKKA endurgreiðsluna um 10%. En endurgreiðslan er furðulegt fyrirbæri hérna, allir eru rukkaðir um eignarskatt og síðan fá sumir endurgreiðslu uppá einhverja dollara, venjulega ekki meira en $200-300 á ári, þannig að 10% hækkun er aukning um $20-30 á ári... Vá, enginn smá munur. Einnig, bara svona til að vera skemmtilegur, mun hann koma með nokkra nýja skatta, þar á meðal...

1. Nýr skattur á bíla sem kosta meira en $45,000.00
2. Nýr skattur á bíla sem eyða meira en 15mpg (Miles Pr. gallon)
3. Hækkun á bjórskattinum, úr $10 pr gallon í $17 pr. gallon

Sjálf ræðan verður kl. 13:00 hérna, eða um 18:00 á íslandi. Þá kemur væntanlega meira í ljós.

Þetta er heimasíðan hjá NJ fylkinu

Óskið okkur góðs gengis :)

Gat nú verið...

Nýji fylkisstjórinn okkar, Jon Corzine, er á fullu þessa dagana að setja saman fjárlögin. Hann var í útvarpinu núna segjandi að hann þurfi líklega að brjóta kosningarloforðið sitt um umbætur í eignaskatt. Þið á íslandi munið eftir honum, borgandi skatt af eignum sem þið eigið nú þegar.

Málið með eignaskattinn hérna er að hann er beinteingdur við skólana, þá skóla sem eru reknir af fylkinu a.m.k. og mér skilst að þú borgir hærri eignaskatt eftir því hversu mikla peninga skólarnir í þínum bæ þurfa á að halda. Hljómar mjög furðulega hingað til, en það er ekki búið þar. Jafnvel þeir bæir hérna, sem hafa einfaldlega ekki skóla, eru samt að borga þennan skatt... af hverju? Af því að þeir eru með Skólastjórn. Já, skólastjórn þó svo að það séu engir skólar. Og fólkið í skólastjórn eru að meirihluta til vinir og vandamenn fylkistjórnarinnar.

Eignarskatturinn var hitamálið í kosningabaráttunni um fylkisstjóra hérna í fyrra, og voru báðir frambjóðendurnir að lofa umbætum. Þannig að núna á að brjóta helsta loforðið, góð byrjun það.

Að lokum lét hann hafa eftir sér að ekkert er útilokað með nýju fjálögunum. Eins og er, er ekki skattur í NJ af mat og fötum, en það gæti breyst. Einnig stendur til að hækka skatt af sígarettum um 1 dollar á pakka, (Núna er pabbi að segja : "Flott hjá honum"). Síðan á líka að hækka bensín skattinn um 5%, bara svona svo að fátt eitt sé nefnt. Eitthvað verður að gera til að gera upp fjárlög með 4-5 billjóna dollara halla.

Síðan er það hinn endinn, hvað verður um allann peninginn sem að NJ hefur í tekjur af hinum og þessum sköttum? Það á að draga úr neyslu hjá stjórninni. Fyrst á að hætta með nokkur "Prógröm" eins og ýmis "After School Programs" sem hjálpar unglingum hérna með því að hafa eitthvað annað að gera en að selja eiturlyf og drepa hvort annað. Síðan á að minnka fjámagn til löggæslu (Gerir stjórnmálamönnum auðveldara með að komast upp með spillinguna sína).

Talandi um Spillingu hérna, hún er svo algeng að hún er orðin lögleg. Já, spilling er lögleg hérna, hún kallast "Pay to Play", eða "borgað fyrir leikinn" og gengur út á það að borga í kosningarsjóði hjá hinum og þessum stjórnmálamönnum og í staðinn, þegar þeir eru komnir í stjórnina, fá þessir aðilar forgang þegar verið er að "bjóða" út samninga við fylkisstjórnina. Þeir borguðu, meðal annars, fyrirtæki hérna út í bæ, 10M dollar fyrir að plana nýbyggingu á skóla sem á að kosta 3M dollara... hmmm, þetta var fyrir 3 árum og það er ekki enn búið að plana þessa byggingu, hvað þá byrjað að byggja hana.

Jæja, ég er búinn að kvarta nóg í bili. Meira síðar.
Elmar

Tvö ný albúm

Nýjar myndir!
Örfáar myndir frá febrúar. Við vorum alveg afspyrnu löt með vélina þann mánuðinn.
Svo eru líka komnar inn nokkrar myndir frá helgarferðinni til Washington og auðvitað frá Þorrablótinu...sem var alveg meiriháttar. Skutla inn bloggi um það fljótlega.