Gón´dænn...

Ég veit að Fanney og Rúna lesa þetta blogg reglulega, ætti eiginlega að verðlauna þær fyrir öll kommentin og gestabókaskrifin. Lots of löv tú jú görls, kíp öpp ðe gúd vörk :o*
En hinir mættu nú líka láta heyra í sér af og til, bara svona svo maður viti hverjir eru að fylgjast með. Koma svo...!

Jæja, náði loksins í þýsku skvísuna, hana Doreen. Í fjórða sinn sem ég hringdi. Var svona u.m.þ.b. farin að halda að hún vildi bara ekkert heyra mér. Kannski ennþá í fílu eða eitthvað. Svo að ég ákvað að skilja bara eftir skilaboð á símsvaranum hjá henni. Hugsaði með mér að þá væri absólútlí engin hætta á að rekast á hana í fílu..."heiii bitch...you never called!" Ok, aðeins farin að ímynda mér hlutina hérna. En jæja...var hálfnuð með þessa líka fínu ræðu sem ég var búin að semja í huganum þegar hún pikkar upp tólið..."Elloooo, æm híehr Andrea!" Ég fór alveg í kerfi og varð eins og asni. Var ekki viðbúin því að hún myndi svara svona í miðjum klíðum. Þurfti sísvona að finna röddina mína aftur (tala alltaf í einhverri fáránlegri hátíðni rödd inná símsvara. Alveg ósjálfrátt).
Svona lagað fer í pirrurnar á mér. Þetta er svoooo fáránlega algengt að fólk geri þetta hérna. Veit ekki útaf hverju, kannski að þetta sé til að losna við símasölufólk? Að minnsta kosti er þetta hið versta mál fyrir fólk eins og mig, sem er með fóbíu fyrir símsvörum. Þarf að vera orðin ansi despó til að skilja svoleiðis eftir. Ekki gaman að vita til þess að fólk eigi upptöku af manni fibast (er þetta ekki annars orð?) við að segja eitthvað áhugavert og skemmtilegt...maður vill jú að viðkomandi hringi aftur til baka ef maður er að þessu á annað borð. Svo það er eins gott að hafa skilaboðin krassandi.
Ekki myndi ég nenna að hringja til baka í fólk sem segir eitthvað á þessa leið...
"Heiii, bara ég...hmm...það var nú svo sem ekkert sérstakt...vildi bara...ömm... þúst...heyra í þér"
Greinilega ekkert merkilegt í fréttum á þeim bænum.

Svo er það bara þorrablótið í Washington um helgina. Við ætlum að leggja af stað í dag og gista þar í tvær nætur. Komum svo aftur heim á sunnudaginn. Við erum svo úber spennt að það hálfa væri nóg.
Tók mér smá pásu til að blogga, en nú verð ég að halda áfram að pakka niður og laga til.

Adios amigos!

Bolla bolla bolla...

Ég steingleymdi alveg að segja ykkur frá því að við erum komin með ný teppi á allt húsið! Allt annað líf, engin skítalykt þegar maður kemur inn úr ferska loftinu. Svo er það svo þykkt m.v. það gamla að maður sekkur alveg niður í það. Og sérstakar þakkir fá Egger og Óli fyrir það að hafa keyrt alla leiði til okkar, tvö kvöld í röð og hjálpað okkur með flutningana...Takk strákar!

Þessi vika í grófum dráttum:

Emmi fór á svona "guys night out" á þriðjudaginn, það var víst rosa gaman hjá þeim svo að þetta er orðinn mánaðarlegur viðburður. Næst verður það á Hooters, voða djarfir þykir mér :)

Kristófer byrjaði í Cub-Scouts eða skátunum í gær, hann fílaði það alveg í ræmur.
Svo skráðum við hann í eitthvað sem heitir "Sockey"...skylst að það líkist eitthvað hokkí nema ekki á svelli og sokkur settur á prikin(?!).

Kristófer er loksins laus við strepptakokkana, en hann er búin að vera í reglulegu eftirliti hjá lækni í 4 vikur því að það gekk illa að ná þessu úr honum. Finnst það nú fullmikið að hafa hann á sýklalyfjum í tæpan mánuð. Vonum bara að hann sleppi við að fá þetta aftur það sem eftir er af skólanum.

Nú svo fór ég líka á svona "girls night out" á fimmtudagskv. með 5 Amerískum stelpum, það var bara alveg rosalega fínt og stelpurnar alveg rosalega hressar. Fórum á alveg frábæran ítalskan veitingastað hérna í nágenninu sem ég keyri oft framhjá en hafði ekki hugmynd um að væri þarna, vel falinn.

Veðrið hérna hefur verið alveg hreint yndislegt...að undanskyldum smá snjóstormi hérna í byrjun mánaðarins get ég varla kallað þetta vetur. Við vorum búin að búa okkur undir 2-3ja mánaða frosthörkur, en þær hafa nú bara ekki enn látið á sér kræla af nokkru ráði. Janúar og febrúar hafa verið verstu mánuðirnir, oft farið yfir -20 C hjá okkur síðastliðna vetur. Það er varla að það hafi farið niður fyrir frostmark hérna núna. Svo fer bara að vora í lok mars-byrjun apríl...júbbí!

Dagurinn í dag fer sennilega í að baka bollur fyrir bolludaginn á mánudaginn (er það ekki rétt hjá mér að hann sé á mánudag annars?) Klikka alltaf á þessu, frétti yfirleitt nokkrum dögum eftir að hann er búin, að ég gleymdi honum. Svo að ég ætla að gera þetta tímanlega þetta skiptið.

Frétti að þessar klikkuðu ekki...

Vatnsdeigsbollur

2,5 dl vatn
50 g smjörlíki
salt á hnífsoddi
175 g hveiti
4-6 egg
2 tsk. lyftiduft.
Þeyttur rjómi
Sulta
Brætt súkkulaði.
------------------------
Aðferð:
Vatn, smjörlíki og salt hitað í potti. Tekið af hellunni þegar sýður og hveitið hrært út í. Sett á helluna aftur og hrært vel í mínútu. Þá er deigið látið kólna og sett í hrærivélaskál. Eggin, eitt og eitt í senn, eru svo hrærð saman við þar til deigið er hæfilega þykkt. Þá er lyftiduftið sett út í. Sett á hveitistráða plötu með skeið eða sprautupoka. Bakað við 180°C í ca. 30 mín. Fyrstu 20 mínúturnar má alls ekki opna ofninn, því þá geta bollurnar fallið. Því næst er bræddu suðusúkkulaði smurt á bollurnar. Að loknum er svo toppurinn skorinn af og rjómi og sulta sett á milli.

Góða helgi!

Feðgarnir alltaf í góðum gír

Ohhh mæ god, YU-GI- OH kort!!!

HALELLÚJA!

Jæja, held að ég sé búin að pína Fanney nóg með að hafa hana hérna eftist í laaangan tíma. Þæggi Fanney, komið nóg af prómóinu? Og takk fyrir allar hugmyndirnar af bloggi, hjálpar ábyggilega að koma mér í gírinn...og b.t.w. Emmi er búin með 2 kaffibolla það sem af er deginum. Mjög rólegur enn sem komið er, en það er sennilega útaf því að "fína" kaffikannan okkar er eitthvað að stríða okkur og skilar bara frá sér hland volgu kaffi. Algjört piss I tell ya!

Nú er agalegt boozt æði á heimilinu, fengum okkur algjört tryllitæki sem mylur ís og frosna ávexti án nokkurrar fyrirhafnar og svo er líka byrjað að selja skyr.is í Wholefoods. Ein lítil dolla kostar reyndar tæpa $3...en maður verður að styrkja þetta framtak er það ekki? Finnst þetta bara svo ofboðslega gott að ég er að borða alltof mikið af þessu, sennilegast ekki hollt í óhófi.

Ég var að koma úr búðinni, hitti þar þýska konu sem ég hef kannast við síðan við fluttum hingað til NJ. Allt í góðu með það, svo ég fer og heilsa uppá gelluna og hún bara er í svona þvílíkri fílu útí mig! Fyrsta sem hún segir við mig er: "Why haven´t you called me?!?!"
Ég: "uhhh, I don´t have your number"
Hún:"Yes, you do. I have yours"
Ég: "So, why didn´t you call me?"
Hún: "I was waiting for you to call me!"
Fór útí algjört bull þetta samtal eins og sést svo ég ákvað að biðja kelluna bara um númerið hennar og lofaði því að hringja í hana fljótlega. "I really, really, really hope you call this time!" sagði hún svo áður en ég kvaddi. Þetta er reyndar alveg hin fínasta kona, þó svo að samtalið bendi til annars...hún er þýsk og enskan ekki sú besta, svo hún virðist vera voða hvöss þegar maður er að tala við hana.

Haldið þið að við séum ekki bara að fara á íslenskt þorrablót takk fyrir. Laugardaginn 4. mars í Washington, ekkert smá spennandi! Förum með Eggerti, Ásu og co. svo þetta verður örugglega alveg brill. Okkur hlakkar mikið til og haldið þið að maður sé ekki bara búin að versla sér kjól og alles. Ég sem geng ALDREI í kjólum...með einni undanþágu og það var þegar ég gifti mig. Hef nefnilega heyrt að fólk dragi fram sitt allra fínasta púss þegar þessi þorrablót hérna eru annarsvegar.

Það er allt fínt að frétta af Kristófer þessa dagana. Hann tekur orðið miklum framförum í Karate núna, svo mikið að hann er orðið notaður af kennurunum til að sýna hvernig á að gera hlutina rétt. Gaman að fylgjast með honum. Sérstaklega þar sem við vorum á tímabili að hugsa um að leyfa honum að fara að prófa einhverjar aðrar íþróttir og hætta í Karate. En hann var nú aldeilis ekki á því drengurinn og fór að sýna þessu miklu meiri áhuga.

Hann fékk að fara í "sleepover" um helgina til Andrews. Finnst það eitthvað svo krúttlegt hvað þeir eru enn miklir félagar þó svo að þeir séu nú í sitthvorum skólanum. Það var nú mikið hlegið þegar við fórum að sækja hann og Andrew fer að spyrja pabba sinn afhverju hann þyrfti að fara í kirkju einu sinni í viku en Kristófer ekki. Kristófer var fljótur að svara því með þvi að segja "that´s because I´m from Iceland. You see, Jesus was born in America!" og svo til að toppa þetta sagði hann svo mjög spekingslega "Did you know Jesus was the son of God?"

Jæja ætla að láta þetta duga í bili...
Andrea og strákarnir.

Áfram Fannsa Pannsa :o)

Fanney vinkona gerði sér lítið fyrir og komst í 24 laga úrslit í júróvision. Hún mun keppa á morgun, laugardag, með lagið Hamingjusöm. Ég vil hvetja alla sem ætla að horfa á og kjósa, að velja rétta lagið...ef þið skiljið hvað ég á við ;o) Ég er nefnilega búin að heita henni því að ef hún kemst áfram í 12 laga úrslit að fara með henni heim sem grúppía. You go girl!!!

Ný teppi á slottið!

Við fengum mann hingað í september (sem titlar sig sem Manager hérna) sem skoðaði teppin gaumgæfilega ásamt tveimur öðrum fílupúkum sem gengu hér um snuðrandi og hummandi í dágóðan tíma. Managerinn sagði svo að teppin væru nú ekkert svo agalega slæm en hann myndi taka þetta fyrir á fundi síðar þá vikuna og láta okkur vita. Á meðan hann var hérna fékk hann þá snilldar hugmynd að við vildum kannski bara taka okkur hálft ár í það að "rústa teppunum gersamlega" og skipta svo um...hahaha algjör idiot svo ekki sé nú meira sagt. En við vorum hörð á því að við vildum fá nýtt teppi á alltsaman enda ekki mikið eftir til að "rústa" og þau orðin ansi þunnhærð. Þessi svokallaði manager lofaði að hringja með svar innan nokkurra daga. Fimm mánuðir eru nú liðnir og ekkert hefur karlpungurinn látið í sér heyra. Hann svarar ekki símanum og heldur ekki ótal skilaboðum sem við höfum skilið eftir á símsvaranum hjá honum...svo mörg að það jaðrar við einelti :)
En jæja við gáfumst amk upp á þessu rugli og hringdum í fyrirtækið sem rekur þetta batterý. Það hefðum við átt að gera fyrr...því sólahring eftir að við kvörtuðum yfir teppadruslunni og mannfílunni, fengum við annan mann hingað í heimsókn. Hann var vart komin innfyrir þegar hann sagði að þessi teppi væru algjörlega óviðunandi og að þessu yrði kippt í liðinn undir eins. Svo að í næstu viku verðum við í þvi að færa til húsgögn...veiii...en það verður alveg þess virði að standa í því fyrir hrein teppi og ferskt loft.

Jahá...ég sit hérna í stofunni með krosslagða fingur og vona það innilega að það rati ekki ein þruma í húsið okkar. Hef nú bara aldrei upplifað aðrar eins þrumur og eldingar, þetta eru eins og sprengingar og húsið hreinlega leikur á reiðiskjálfi. Ef ég hef einhvertíman efast um gæði og styrk húsnæðanna hérna þá er það núna, sé þetta nú bara fyrir mér hrynja eins og spilaborg ef við fengjum eitt slíkt stykki í okkur. En líkurnar eru nú sennilega hverfandi á slíkri óheppni...er það ekki?!

Annars er ég búin að vera með einhverja hroðbjóðs pest sl. 3 daga, lá hérna í sófanum og í rúminu til skiptis, í hálfgerðu kóma í 2 af þeim með viðbjóðs hita og enga rödd. En þegar ég vaknaði í morgun klæddi ég mig amk í föt (ekki önnur náttföt :) og búin að endurheimta röddina þó ófögur sé....góðs viti það.
Okkur var boðið í mat um helgina til Eggerts og Ásu, alveg brilljant stuð á þeim hjónunum eins og alltaf. Þau reiddu fram hvern dýrindis réttinn á fætur öðrum...algjört lostæti allt saman. Kærar þakkir fyrir okkur! Svo var spilað Trivial og strákarnir fengu heldur betur að finna fyrir okkur skvísunum, tókum þá svona heldur betur í nefið...amk í fyrri umferð. En þeir náðu víst að merja fram sigur á síðustu stundu í seinni umferð...reyndar voru þeir bara heppnir með spurningu ;)

Á sunnudaginn skelltum við okkur í bíó á teiknimyndina Hoodwinked...án efa ein leiðinlegasta teiknimynd sem ég hef nokkurtíman séð. Leeeengstu 90 mínútur sem ég hef upplifað án nokkurs vafa. Djís Lúís...ef þessi skelfing ratar einhvertíman í bíóhúsin á Íslandi...STAY AWAY!

Kristófer er búin að vera ofsalega duglegur að æfa karate s.l. daga. Á morgun er nefnilega próf fyrir dökk græna beltið eða high green belt eins og það kallast víst hér. Hann er farin að taka þetta meira alvarlega en áður og æfir stíft hérna heimafyrir.

Jæja þrumuveðrið er hætt svo að ég ætla að láta þetta gott heita í bili elskurnar. Og já... húsið stendur enn!

Já það er ýmislegt ólöglegt í New Jersey...

New Jersey
• Automobiles are not to pass horse drawn carriages on the street.
• Car dealerships are forbidden from opening on Sunday.
• Cresskill: All cats must wear three bells to warn birds of their whereabouts.
• If you have been convicted of driving while intoxicated, you may never again apply for personalized license plates.
• In Berkley Heights you may not walk your cattle on the street on Sunday.
• In Newark it is illegal to buy ice cream after 6:00 p.m
• In New Jersey, it is illegal to slurp soup.
• It's illegal in New Jersey for parents to give their children under the age of 18 even a sip of alcohol.
• It is against the law for a man to knit during the fishing season.
• It is against the law to "frown" at a police officer.
• It is illegal to offer whiskey or cigarettes to animals at the local zoo.
• It's also illegal in this state to throw a bad pickle on the street.
• Raw hamburger may not be sold.
• There is no horse racing allowed on the New Jersey Turnpike.
• Trenton: Pickles are not to be consumed on Sundays.
• Unless you have a doctor's note, it's illegal to buy ice cream after 6 PM in Newark, New Jersey.
• You cannot pump your own gas. All gas stations are full service and full service only.
• You may not slurp your soup.

Jasso...svo það er eins gott að maður hugsi sig tvisvar um þegar maður ætlar að henda frá sér súrsuðum gúrkum eða reyna að bjóða ljónunum sjúss og sígó í dýragarðinum!

Það sem af er janúar í máli og myndum...

Miklir fagnaðarfundir hjá okkur æskuvinkonunum þegar hún komst loks á leiðarenda...
Þá er bara kominn smá snjór...sama dag og Rúna fer frá okkur...
Nýji nágranninn okkar,Harrison, kíkti yfir í heimsókn til okkar...
Addý og Óðinn skemmtu sér konunglega eins og sést á þessari mynd...
Kristófer fékk Andrew félaga sinn í heimsókn í byjun janúar og gisti líka hjá okkur...
Ussss....hvað var ég að spá þegar ég henti sólarvörnunum í ruslið í desember
Það þýddi ekkert að hanga inni í svona blíðu svo það var sest út í sólbað 9 janúar!
10 janúar....ennþá bongóblíða í New Jersey!

Mjög síðbúið jóla- og áramóta blogg

Jæja þá er kominn tími á að segja ykkur frá á hvað daga okkar hefur drifið undanfarið.
Rúna systir kom til okkar fyrir jólin og var hjá okkur þar til í gær, en þá var víst komin tími fyrir hana að koma sér heim. Mikil lifandi ósköp leið tíminn hratt!
Það var náttúrulega byrjað um leið í köku og smáköku bakstri, einar 5 sortir bakaðar á 2 dögum...geri aðrir betur. Ekki nóg með það, svo var nátturulega ekki hægt að halda al-íslensk jól nema að tengda-mömmu-brúnkan væri bökuð og það dugði varla fram að jólum svo að það varð að henda í eina uppskrift til viðbótar. Það var sko NÓG að éta hér á þessu heimili um jólin, enda vorum við heldur betur farin að finna öll föt þrengja vel að þegar síga fór á síðari hluta jólanna.

Jólaboðið okkar lukkaðist svona líka glimrandi vel, gaman að upplifa þessa sönnu íslensku jólastemmingu. Ég og Rúna settum allt í 5ta gír á jóladag og hristum ýmsilegt góðgæti fram úr ermunum, við buðum uppá heitt súkkulaði, marengstertur, heita brauðrétti, síld, lax, íslenskar pönnsur, smákökur ásamt ýmsu öðru sem maður þekkir best frá íslensku jólaboðunum. Það er alveg klárt að ég er alveg meira en til í að hafa þetta árlegt á meðan það finnast íslendingar á þessum slóðum og líka á meðan við förum ekki heim yfir jólin :)

En það verður nú bara að viðurkennast að þetta voru ein þau bestu jól sem við höfum upplifað síðan við byrjuðum á þessu flakki okkar. Við vorum alveg ótrúlega sátt og náðum að skapa alveg gríðarlega jólastemmingu á heimilinu. Og þá er ég að tala þessa sönnu og óþvinguðu jólastemmingu sem kemur bara ósjálfrátt og andinn kemur yfir mann. Það náttúrulega skemmdi ekki að hafa nánast eingöngu íslenskan mat, drykk og sælgæti á borðum og auðvitað líka að hafa Rúnu hjá okkur.

Svo voru áramótin ekki síðri en þá bauð vinafólk okkar (Orri og Erna) okkur heim til systur Orra, en þau voru að passa húsið hennar. Þar elduðum við íslenskt lambalæri með öllu tilheyrandi...naaamminamm...það klikkar ekki frekar en fyrri daginn. Svo þegar litla fólkið var komið í háttin spiluðum við nýja Trivialið og drukkum fram eftir. Þar sem þarna var nóg pláss buðu þau okkur að gista svo okkur lá ekkert á að komast heim.
Alveg frábært kvöld og kærar þakkir fyrir okkur!

Svo fengum við "óvænta" heimsókn þann 12 jan en þá komu Óðinn og Árný til okkar í heimsókn. Ég hef bara ekkert viljað minnast á það því þá hefði ég skemmt þetta fyrir honum Óðni því hann var að koma Árný á óvart með þessari ferð og þ.a.l. mátti ekkert fréttast...aldrei þurft að hafa svona mikið fyrir því að þegja, hahaha!Það var ekki fyrr en þau voru sest niður við barinn í flugstöðinni að hún fékk að vita hvert hún var í raun og veru að fara! Hann er nú alveg ótrúlegur hann Óðinn... að hann skyldi hafa komist þetta langt áður en hann varð að segja henni allt af létta, hann meira að segja batt fyrir augun á henni á leiðinni og tékkaði hana inn sjálfur! Til hamingju með 10 ára hjúskaparafmælið elskurnar og vona að þið komið aftur í heimsókn til okkar áður en langt um líður.

Hendum svo inn fleiri nýjum myndum á næstunni, svo fylgist með!
Jæja...þá er ég búin að drita niður enn einni langlokunni. Kannski ráð að blogga oftar?!